Засгийн газрын өнөөдрийн хуралдаанаар "Эрдэнэс Монгол" компанийн үйл ажиллагаатай холбоотой асуудлыг хэлэлцжээ. Энэ талаар ЗГХЭГ-ын дарга Д.Амарбаясгалан "Эрдэнэс Монгол" компанийн үйл ажиллагааг жигдрүүлэх, цаашлаад Монгол Улсын баялагийн сан болгох чиглэлд Монгол Улсын Ерөнхий сайд сүүлийн жил гаруй хугацаанд баримталж ирсэн. Энэ хүрээндээ тус компанийн Гүйцэтгэх удирдлагыг олон улсын туршлагатай, ялангуяа Сингапур, Норвег зэрэг улсуудад баялгийн сангийн чиглэлээр ажилласан туршлагатай гадаадын болон дотоодын иргэнийг сонгох сонгон шалгаруулалт зарлаж, Гүйцэтгэх захирлыг сонгох, томилох үүргийг өгсөн байгаа" гэлээ.

Сануулахад, өнгөрсөн сарын сүүлээр “Эрдэнэс Монгол” компанийн Гүйцэтгэх захирлаар Р.Баясгаланг томилохыг тус компанийн ТУЗ шийдвэрлэсэн байдаг.