Цагдаагийн байгууллагад бүртгэгдсэн залилах төрлийн гэмт хэрэг өмнөх оны мөн үеийнхтэй харьцуулахад 2.3 хувиар өссөн байна. Тухайлбал, орон сууц давхар түрээслэх, хүний байрыг түрээсээр аваад бусдад худалдах, баригдаагүй орон сууцанд урьдчилгаа захиалга авах эрүүгийн хэрэг нэмэгдсээр байгаа аж. Одоогийн байдлаар энэ төрлийн 110 хэрэг мөрдөн байцаах ажиллагаанд шалгагдаж байгаа талаар цагдаагийн байгууллагаас мэдээллээ. Иймд иргэн та байр түрээслэх, худалдан авах гэж байгаа бол тухайн байр харьяалагдаж байгаа СӨХ-рүү орж жинхэнэ эзнийг нь заавал шалгахыг албаныхан анхаарууллаа.