“Айчи-Нагояа 2026” Азийн наадмын эрэгтэйчүүдийн 3x3 сагсан бөмбөгийн тэмцээнд өрсөлдөж буй Монгол Улсын шигшээ баг хэсгийн шатны сүүлийн тоглолтоо Шри Ланкийн шигшээ багийн эсрэг хийж, ялалт байгууллаа.

Монголын шигшээ баг тус тэмцээний “А” хэсэгт Филиппин, Казахстан, Шри Ланкийн багуудтай багтсан бөгөөд хэсгийн эхний тоглолтоо Филиппиний шигшээ багтай хийж 12:19-өөр хожигдсон. Харин хоёр дахь тоглолтдоо Казахстаны шигшээ багийг 13:8-аар буулган авч, тэмцээний анхны ялалтаа байгуулсан.

Улмаар хэсгийн шатны сүүлийн тоглолтод Шри Ланкийн багийг хожсоноор Монголын шигшээ хоёр хожил, нэг хожигдолтой болж, хэсгээсээ хасагдах шатанд шалгарах эрхээ авчээ.

Ийнхүү Монголын 3x3 сагсан бөмбөгийн шигшээ баг “Айчи-Нагояа 2026” Азийн наадмын медалийн төлөөх өрсөлдөөнөө үргэлжлүүлж байна. Хасагдах шатанд Монголын шигшээ багтай өрсөлдөх баг болон тоглолтын хуваарь хэсгийн бусад тоглолтын үр дүнгээр тодорхой болох аж