Сүүлийн өдрүүдэд хүүхдийн томуу, томуу төст өвчний тархалт нэмэгдэж буйтаa холбоотойгоор эмнэлгүүдийн орны ачаалал их байгааг албаныхан мэдээлж буй. Тухайлбал, Сонгинохайрхан дүүргийн нэгдсэн эмнэлэгээр өдөрт 300 орчим хүүхэд амбулатори болон хүлээн авах тасгаар үйлчлүүлэн, хоногтоо дунджаар 70-80 хүүхэд хэвтэн эмчлүүлж байгаа аж. Өчигдөр гэхэд л 220 орчим хүүхэд ирж 100 нь хэвтжээ.

Үүсээд буй нөхцөл байдалтай холбогдуулан "Нийслэлийн сэргээн засах Эрүүл үрс төв"-ийн зүгээс тус эмнэлэгт хүүхдийн 50 орыг хүлээлгэн өгчээ.