Засгийн газрын ээлжит хуралдаан өнөөдөр /2022.02.23/ болж байна. Хуралдаанаас гаргасан шийдвэрийг танилцуулах үеэр Хөгжлийн банкны ТУЗ-ийн гишүүдэд өөрчлөлт оруулах асуудал яригдсан талаар сэтгүүлчийн асуултад Эдийн засаг, хөгжлийн дэд сайд С.Наранцогт "Засгийн газрын 2020 оны дөрөвдүгээр сарын 8-наас хөгжлийн банкны хувьцаа эзэмшигчдийн эрхийг Сангийн сайдад шилжүүлсэн. Хувьцаа эзэмшигч бол Хөгжлийн банкны төрийн өмчийн төлөөллийг томилдог журамтай. Энэ дагуу Сангийн сайд Хөгжлийн банкны ТУЗ-ийн төлөөллийг томилно. Өнөөдрийн Засгийн газрын хуралдаанаар тус асуудал яригдаагүй" гэлээ.