Өнгөрсөн сарын 30-нд Улаанбаатар төмөр зам хувь нийлүүлсэн нийгэмлэгийн Ерөнхий хорооны ээлжит хуралдаан болж, тус хурлаар УБТЗ-ын даргаар Х.Хэрлэнг томилсон. Тэгвэл Х.Хэрлэн өчигдөр албан ёсоор ажлаа хүлээн авчээ. Түүний тамга тэмдгийг УБТЗ-ын нэгдүгээр орлогч И.В.Милостных гардуулан өгсөн байна.

Х.Хэрлэн "УБТЗ-ын техник, технологийн шинэчлэлийг эрчимжүүлж, эдийн засгийн үр ашгийг улам дээшлүүлэхэд анхааран ажиллана" гэж мэдэгджээ.

Х.Хэрлэн нь

• 1991-1992 онд Барилгын зургийн институтэд Зургийн техникч
• 1995-1999 онд “Үлэмж” ХХК-ийн Дэд захирал
• 2000-2006 онд АМХЭГ-ын Геологи Уул Уурхайн Кадастрын албаны дарга
• 2006-2007 онд Үйлдвэр Худалдааны Яамны Хөнгөн үйлдвэрийн газрын Орлогч дарга
• 2008-2010 онд “Эйч ти эм” ХХК-ийн Захирал
• 2010-2012 онд ТӨХ-ны Төрийн өмчийн удирдлага, хувьчлалын газрын дарга
• 2012-2016 онд “Эйч ти эм” ХХК-ийн Захирал
• 2016-2017 оны “Монголын Төмөр Зам” ТӨХК-ийн Гүйцэтгэх захирлаар ажиллаж байсан юм.