Хөгжлийн банкны Тэргүүн дэд захирал Ч.Энхбатыг хуулийн байгууллага шалгаж эхэлжээ. 

Энэ талаар АТГ-аас "Хөгжлийн банкны Тэргүүн дэд захирал Ч.Энхбатыг шалгаж эхэлсэн нь үнэн. Авлигын гэх хэрэгт холбогдуулан хэрэг бүртгэлтийн хэрэг нээсэн. Өчигдөр буюу 2020 оны гуравдугаар сарын 27-нд түүнд холбогдох хэд, хэдэн газарт нэгжлэг хийсэн. Одоо шалгах ажиллагаа үргэлжилж байна. Баривчилсан зүйл байхгүй" гэх мэдээллийг өгсөн байна.

Монгол Улсын Хөгжлийн банк /МУХБ/ 2011 оны 5 дугаар сарын 12-ны өдөр албан ёсоор нээлтээ хийж үйл ажиллагаагаа эхлүүлсэн.

Тус банк нь Монгол Улсын эдийн засгийн өсөлтийг дэмжсэн, Монгол Улсын хөгжлийн тэргүүлэх болон стратегийн ач холбогдол бүхий салбарын томоохон төсөл хөтөлбөрүүдийг санхүүжүүлдэг байна.