Эрүүл мэндийн яамнаас хийсэн мэдээллийн үеэр ЭМЯ-ны нийтийн эрүүл мэндийн бодлогын хэрэгжүүлэлтийг зохицуулах газрын дарга Л.Энхсайхан "Астра зенека вакцинтай хүнд нэмэлт тунгаар Астра зенекаг хийлгэсний дараа дельта хувилбараас сайн хамгаалж байгаа үр дүн байна. Аль ч үйлдвэрийн вакцин хийлгэсэн хүмүүс өвчилж болох хэдий ч хүндрэл, нас баралтаас 92 хувиар хамгаалж байгаа. Ялангуяа хоёр тунгаа аваад 14 хоносон тохиолдолд хамгаалах магагдлал нь илүү өндөр байгаа юм" гэлээ.