Наймдугаар сарын 7-нд Хэнтий аймгийн Баян-Овоо сумын Сүмбэр багийн Гүрмийн нууранд автомашины олгой хаймар хийлж нуурын усанд сэлж байгаад живсэн иргэний цогцсыг өчигдөр буюу наймдугаар сарын 9-ны өдөр олсон талаар албаныхан мэдээллээ.

Эргэн сануулахад, “Гүрмийн нуур”-ын эрэг дээр 9 хүн аялж байснаас 1 хүн нь автомашины дугуйны дотуур хаймар хийлж нуурын усанд сэлж байгаад салхинд туугдан эргээс холдсон тухай дуудлагыг наймдугаар сарын 7-ны өдрийн 15:30 цагт хүлээн авсан. Дуудлагы дагуу тус аймгийн Онцгой байдлын газар, сумын Цагдаагийн хэсгийн алба хаагчид 40 настай эрэгтэй Б нь живсэн байсан тул наймдугаар сарын 9-ний өдөр 3-4 метрийн гүнд 9 удаагийн шумбалт хийж эрэн хайх ажиллагааг зохион байгуулж мөн өдрийн 20:00 цагт тус нуурын баруун урд талын эргээс цогцсыг олж, сумын Цагдаагийн хэсгийн цагдаад шилжүүлэн өгсөн байна.