"Токио 2020" зуны XXXII олимпын наадамд оролцох Монгол Улсын багийн элч, Мэргэжлийн сүмо бөхийн 69 дэх их аварга Хакүхо Мөнхбатын Даваажаргал олимпт оролцох тамирчдын хотхонд зочилж, 3x3 сагсан бөмбөгийн эмэгтэйчүүдийн шигшээ баг тамирчидтай уулзаж, амжилт хүсчээ.

Сануулахад, М.Даваажаргал зургаан башёд барилдалгүй өнжсөнийхөө дараа барилдаад түрүүлсэн. Японы мэргэжлийн сумод 45 дахиа түрүүлж түүнийгээ аавдаа зориулсан хэмээн ярьж байсан билээ.