БНХАУ ирэх долоо хоногт эхлэх Токио 2020 зуны олимпын наадамд 777 хүний бүрэлдэхүүнтэй баг тамирчдаа илгээхээр болжээ. Ингэснээр Хятад улс Токиогийн Олимпод хамгийн олон хүнтэй баг оролцуулсан улс болох юм.

Хятадын Олимпын хорооны мэдээлснээр олимпд оролцох 431 тамирчинг Спортын ерөнхий хорооны дарга Гоу Жонгвен ахлана. 431 тамирчны 24 нь олимпын аварга, 30 нь гадны улсын дасгалжуулагчтай. Хятадын тамирчид ширээний теннис, бадминтон, гимнастик, хүндийг өргөлт, буудлага зэрэг спортын төрлүүдэд уламжлал ёсоор алтан медаль хүртэнэ гэдэгтээ итгэлтэй байгаа аж.