Нэг хэсэг нь баярын хурал хийж байхад нөгөө хэсэг нь Онц их хурал хийж дарга, генсек хоёроо “унагасан” нам бол ИЗНН. Дээд шүүхэд шинэчилсэн дүрмээ хүргүүлээд дөрвөн ч удаа буцаагдсан.
Р.Батболдын талаас намын санхүүжилт, дүрмийн асуудалд хариуцлага хүлээх ёстой гэж үзэн, Б.Батбаатар, Ч.Мөнхжаргал нарыг ИЗНН-аас түдгэлзүүлээд амжсан. Харин хариуд нь Б.Батбаатар Р.Батболдыг өнгөрсөн дөрөвдүгээр сарын 24-нд:
-Намын дүрмийг ноцтой зөрчсөн
-Намын Их хурлын бүрэн эрхэд халдсан
-Баримт бичгийг хуурамчаар үйлдсэн
-Уг хууль бус, эрх зүйн хүчин төгөлдөр бус баримтыг Монгол Улсын Дээд шүүхэд хүргүүлсэн зэрэг үндэслэлээр ИЗНН-аас хассан юм.
Тэгвэл тус нам өнөөдөр Улс төрийн зөвлөлөө хуралдуулж намын дүрэм, бүртгэлтэй холбоотой асуудлаа хэлэлцэх бөгөөд УИХ-ын гишүүн Р.Батболдыг хуралдаа урьсан байна.
Үүнээс харахад, ИЗНН-ынхан эвлэрч бэхжин, Р.Батболдыг намдах буцаан авч байж магадгүй аж.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!