2025 оны олон улсын сүүлчийн цуврал болох “Токио Их дуулга-2025” тэмцээн Японы нийслэл Токио хотод энэ сарын 6, 7-нд зохион байгуулагдана. 14 жинд 16 тамирчин хурд, хүч, авхаалж самбаагаа сорихоор шигшээ багийн ахлах дасгалжуулагч У.Эрдэнэбаатар, М.Бундмаа, Б.Хишигбаяр нарын удирдлага дор хөдөлж байна.
Тамирчдын бүрэлдэхүүнд ОУХМ Б.Гончигсүрэн, Ё.Басхүү, Л.Энхрийлэн, О.Цэцэнцэнгэл тэргүүтэй бөхчүүд багтжээ.
