Өнөөдөр УИХ-ын хоёр байнгын хороо хуралдах байв. Тодруулбал Аюулгүй байдал, гадаад бодлогын байнгын хороогоор:

-Эрчим хүчний салбарын өнөөгийн байдал, эрчим хүчний аюулгүй байдлыг хангахад чиглэсэн бодлого, арга хэмжээ, төсөл, хөтөлбөрийн хэрэгжилт, үр дүн, хариуцлагын талаарх Эрчим хүчний сайдын мэдээллийг сонсох

-Хууль, тогтоолоор үүрэг, чиглэл болгосон Улсын Их Хурлын шийдвэрийн биелэлтийн тайлан

-Монгол Улс болон Евразийн эдийн засгийн холбоо, түүний гишүүн орнууд хоорондын худалдааны түр хэлэлцээрийг соёрхон батлах тухай хуулийн төсөл болон хамт өргөн мэдүүлсэн хуулийн төслүүд /Засгийн газар 2025.11.28-ны өдөр өргөн мэдүүлсэн, хэлэлцэх эсэх/-ийг,

Эдийн засгийн байнгын хороогоор:

-Түгээмэл тархацтай ашигт малтмалын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд /Улсын Их Хурлын гишүүн Ж.Алдаржавхлан 2025.07.04-ний өдөр өргөн мэдүүлсэн, хэлэлцэх эсэх/

-Улсын Их Хурлын гишүүн Ц.Баатархүүгээс Эрчим хүчний сайдад хандсан асуулгын хариуг хэлэлцэх болон бусад асуудлыг хэлэлцэхээр төлөвлөөд байсан юм.

Гэвч байнгын хороодын гишүүдийн ирц хүрээгүйн улмаас дээрх хоёр байнгын хорооны хуралдаан хойшилсон байна.