Хэлцэл амжилттай болж, Б.Батзолбоог М-Хөгжлийн лигийн “ТЛЖ Түшиг Багана” багт түрээсийн гэрээгээр шилжүүллээ. Гэрээнд зааснаар Б.Батзолбоо нь лигийн улирлын дараа буюу 2025 оны 5-р сарын 1-д “Сэлэнгэ Бодонс” багтаа эргэн нэгдэх юм.

Б.Батзолбоо нь “Сэлэнгэ Бодонс” дээд лигийн багтай 3 жилийн гэрээ байгуулан ажилласан бөгөөд 2023-2024 онд хөгжлийн лигээс дээд лигийн багт дэвшин орж Плэй-Оффт шалгарах, 2024-2025 онд NBA -ын супер од Демакус Казинс (Бүүгий) -ын хамт Бодонсыг Хүрэл медальд хүргэж, 2025-2026 оны улирлын 6 тоглолтод оролцон 3 хожил авахад багийн ахлагчаар хүчин зүтгэсэн билээ.

“Сэлэнгэ Бодонс” нь Б.Батзолбоо болон “ТЛЖ Түшиг Багана” багтай тохироонд хүрсэнээр ийнхүү түүнийг М-Хөгжлийн лигт тоглох зөвшөөрлийн хуудсыг МСБХолбоонд өнөөдөр албан ёсоор хүргүүллээ.