Улсын Их Хурлын Эдийн засгийн байнгын хороон өчигдөр хуралдаж, Улсын Их Хурлын гишүүн Л.Оюун-Эрдэнэ нарын 33 гишүүнээс 2025 оны 10 дугаар сарын 06-ны өдөр өргөн мэдүүлсэн “Хянан шалгах түр хороо байгуулах тухай” Улсын Их Хурлын тогтоолын төслийг хэлэлцэж дэмжсэн юм. Энэ үеэр УИХ-ын гишүүн Ч.Лодойсамбуу "Л.Оюун-Эрдэнэ та өөрөө өөрийгөө шалгана гэж байхгүй л дээ. АН-ын бүлгийн гишүүд таны гаргасан шийдвэрүүдтэй холбоотой асуудлаар түр хороог байгуулах гэж байхад та бүгдийг нь шалгана гэж байна" гэв.
Түүний асуултад УИХ-ын гишүүн Л.Оюун-Эрдэнэ "Гашуунсухайт Ганцмод төслийн хил холболттой холбоотой асуудлыг тойрч ярих нь зүйтэй. Надад энэ төслийг заавал хамгаалах ёстой гэсэн хатуу байр суурь байхгүй" гэв.
