Нийслэлийн статистикийн газраас долоо хоног бүр зах худалдааны төвүүдэд худалдаалж буй өргөн хэрэглээний гол нэрийн барааны үнэ ханшийг танилцуулдаг. Энэ сарын 14-ны өдрийн байдлаар төмснөөс бусад хүнсний ногооны үнэ өсжээ. Тодруулбал, монгол төмс өмнөх долоо хоногтой харьцуулахад нэг хувиар буурч килограмм нь 1345 төгрөг болжээ. Тэгвэл Монгол байцай дунджаар 3.7 хувиар өсөж 3133 төгрөг, хүрэн манжин 0.8 хувиар өсөж 4164 төгрөг, Монгол лууван 0.8 хувиар өсөж 2992 төгрөг, Монгол сонгино 1.4 хувиар өсөж 3758 төгрөгийн үнэтэй тус тус худалдаалж байгаа юм.