"Central" телевизийн "Тэнгисийн эрэг дээрх 24/7" шоуны дугаар бүр үзэгчдийн ярианы сэдэв болоод байгаа. Тэгвэл тавдугаар дугаарт хүндэтгэх шалтгааны улмаас артист AMRA буюу А.Амаржаргал "Тэнгисийн эрэг дээрх 24/7" шоуг орхижээ. Энэ талаар тус телевиз мэдэгдэл гаргасан байна.

AMRA-ийн хувьд СЭЗИС-ийг санхүүгийн менежмент мэргэжлээр төгсөж, Япон Улсын Ritsumeikan Asia Pacific University-д магистрын зэрэг хамгаалсан. 2013 оноос Soundcloud дээр ковер дуунуудаа нийтэлж, 2015 онд анхны уран бүтээл “Farewell” дуугаа сонсогчдод хүргэж байв. Шоуны тавдугаар дугаарт 4 шинэ оролцогч нэмэгдсэн.

Тэдний нэг нь Монгол Улсын 25 дахь Ерөнхий сайд Санжийн Баярын хүү Б.Нацаг. Тэрбээр 22 настай бөгөөд Австралийн Сидней хотод пиар болон сэтгэл судлалаар суралцдаг. Тэрбээр шоуны оролцогч Amra-г сонгож хоёр удаа болзоонд явсан юм.

Ташрамд дурдахад, "Тэнгисийн эрэг дээрх 24/7" шоу нэвтрүүлгийн шинэ дугааруудыг цаг алдалгүй 24/7 LookTV-ээс хүлээн авч үзэх боломжтой юм байна. Шоуны 7,8 дугаар анги өнөөдөр LOOK TV-д оржээ. Харин "Central" телевизийн үзэгчид шинэ дугааруудыг амралтын хоёр өдрөөр үзнэ гэсэн үг.