Улаанбаатарт хуучин болон шинэ орон сууцны үнэ нэмэгдсээр байна. Үндэсний статистикийн хорооны мэдээллийг харвал, хоёрдугаар сард орон сууцны үнийн индекс өнгөрсөн оны мөн үеэс 12.7 хувиар өсөж, шинэ орон сууц мкв нь дунджаар 4.4 сая төгрөгийн үнэтэй байна. Энэ нь байршлаасаа шалтгаалан харилцан адилгүй үнэтэй.
Тухайлбал, нийслэлд орон сууцны хамгийн үнтэй байршил Сүхбаатар дүүрэгт байна. Тус дүүрэгт шинэ болон хуучин орон сууцны үнэ мкв нь дунджаар 5.6 сая төгрөг байгаа юм. Харин хамгийн хямд байршил Сонгинохайрхан дүүрэгт хуучин орон сууц мкв 3 сая төгрөг, шинэ орон сууц мкв нь 3.2 сая төгрөгөөс эхэлж байна.
