Мөрдөн байцаагчид Ерөнхийлөгч Юн Сук Ёлыг аль болох хурдан хугацаанд баривчлахаар хоёр дахь ажиллагааг эхлүүлсэн талаар Yonhapnews агентлаг мэдээлжээ. Нэгдүгээр сарын 3-нд Юныг баривчлахыг завдсан ч Ерөнхийлөгчийн хамгаалалтын албатай тулгарч, улмаар буцсан юм.
Тодруулбал, цагдаа, Авлигатай тэмцэх газрын мөрдөн байцаагчид Ерөнхийлөгчийн ордонд нэгжлэг хийх, түүнийг баривчлах тушаалыг хэрэгжүүлэх хоёр дахь оролдлогыг ийнхүү хийсэн юм.
Тэгвэл мөрдөгчид Ерөнхийлөгч Юн Сүк Ёлыг 10:33 цагт баривчилжээ. Ингэснээр Юн Сүк Ёл БНСУ-ын түүхэнд ерөнхийлөгчийн албан тушаалыг хашиж байхдаа баривчлагдсан анхны ерөнхийлөгч болж байна.
