УИХ-ын Нийгмийн бодлогын байнгын хороо хуралдаж, 2025 оны төсвийн тухай хуулийн хоёр дахь хэлэлцүүлгийг хийлээ. Энэ үеэр "Хүүхдийн төлөө сан"-ийн зарцуулалтын талаар УИХ-ын гишүүн А.Ариунзаяа "Хүүхдийн төлөө сан"-ийн 22 тэрбум төгрөгөөс 8 тэрбумыг нь юунд ЗАРЦУУЛСАН БЭ. Үлдсэн 14 тэрбум нь яагаад хүү бодогдохгүй хадгалагдаад байгаа юм бэ.

Ядаж ангиудад УТАА ШҮҮГЧ авах мэтээр хөрөнгө оруулалт хийж болдоггүй юм уу" гэх асуулт тавилаа.

Харин Гэр бүл, хөдөлмөр, нийгмийн хамгааллын сайд Л.Энх-Амгалан "Та төрийн ой санамжтай байх ёстой шүү. Өөрөө ямар сан байгуулж, ямар журам батлуулчихаад явсан гэдгээ санаарай.

Ямар ч юм хийх боломжгүй ЧӨДӨР, ТУШАА болсон журамтай, юу ч шийдэж чаддаггүй байсан шүү дээ" гэх хариу тайлбар хийв.