Баяр, наадмын амралтын өдрүүд эхэлж байгаа холбогдуулан ОБЕГ, ЦУОШГ-аас хамтран мэдээлэл хийж байна. Энэ үеэр ОБЕГ-ын Урьдчилан сэргийлэх газрын хэлтсийн дарга, хурандаа Д.Бат-Эрдэнэ, "Баяр наадмын амралтаар 2019 онд 14 хүн, 2020 онд 17 хүн, 2021 онд 26 хүн, 2022 онд 20 хүн, 2023 онд 8 хүн усны ослоор эндсэн. Тиймээс аялаж амрахдаа аюулгүй байдлаа хангаж, анхаарал болгоомжтой байхыг анхааруулж байна" гэлээ.