Монгол Улсад Шүүхийн шийдвэрийн дагуу хүүхдийн тэтгэмж авах ёстой 16 мянга 986 хүүхэд байна. Насанд хүрэгчдийн хариуцлагагүй үйлдлийн улмаас олон мянган хүүхдийн хууль ёсны эрх ашиг зөрчигдсөн асуудал хөндөгдөж буй. Энэ талаар Хууль зүй, дотоод хэргийн сайд Б.Энхбаяр "Хүүхдийн тэтгэмж төлүүлэх шүүхийн шийдвэр нэгэнт гарсан тохиолдолд үүнийг заавал төлүүлэх ёстой. Шүүхийн шийдвэр гүйцэтгэх байгууллага, албан хаагчид энэ асуудалд онцгой анхаарч ажиллах шаардлагатай. Хэдийгээр мөнгөн дүнгийн хувьд хүүхдийн тэтгэмжийн дүн тоо бага боловч яамны зүгээс “том” асуудал гэж үзэж байнга анхаарч, шахаж ажиллана" гэжээ.