Сэтгүүлч Н.Өнөрцэцэгт холбогдох хэргийг хянан шийдвэрлэх ажиллагаа дуустал түүнийг сэтгүүлч мэргэжлийн үйл ажиллагаа эрхлэхийг түдгэлзүүлсэн байдаг.

Энэ талаар УИХ-ын гишүүн Д.Ганбат "Бусадтай харьцуулбал хэрэгт холбогдсон УИХ-ын гишүүд шүүхийн эцсийн шийдвэр гараагүй гээд байж л байдаг. Гэтэл "Зариг.мн"-ий Н.Өнөрцэцэгийг яаж байна. Анхан шатны шүүхийн гарсан ч юм уу, гараагүй ч юм уу, бүү мэд. Гурван шатны шүүхийн шийдвэр гарч байж, биелэгддэг. "Сэтгүүлч та нар бидний үгэнд ор. Үгүй бол юмаа хаалга" гэдэг болчихсон. Удахгүй бүгдээрээ амаа хаалгасан, дарангуйлсан нийгэмд орчих гээд байна шүү дээ. Хамгийн эцсийн найдвар хэвлэл мэдээллийн байгууллага, ард түмэн та бүхэн байгаа юм" гэлээ.