Энэ мэдээ хуучирсан буюу 2024/02/28-нд нийтлэгдсэн мэдээ болно.

Нийслэлийн 2024 оны төсвийг тодотгон баталлаа

Ангилал
Улс төр Эдийн засаг
Огноо
Унших
1 минут 32 секунд

НИТХ-ын ээлжит бус XVII хуралдааны хоёрдугаар хэлэлцүүлэг болж, Нийслэлийн 2024 оны төсөвт өөрчлөлт оруулах төслийг баталлаа.

Монгол Улсын Засгийн газрын тогтоол гарч, Улаанбаатар хотод их багтаамжийн нийтийн тээврийн хэрэгсэл буюу метрог барьж байгуулах, гүйцэтгэгч, менежментийн зөвлөх үйлчилгээг үзүүлэх ажлын холбогдох тооцоо судалгаа, үнэлгээг хийж Нийслэлийн 2024 оны төсөвт тусгахаар болсон. Энэ хүрээнд метроны төслийг санхүүжүүлэх, сургууль, цэцэрлэгийн хүртээмжийг нэмэгдүүлэх, тохижилт гэсэн гурван чиглэлээр 2024 оны төсөвт тодотгол хийсэн юм.

Нийслэлийн 2024 оны төсвийг тодотгохдоо нийт орлогыг 1,122,582,443.2₮ байхаар батлав. Үүнээс татварын орлого 873,119,158.3₮, татварын бус орлого 230,365,833.7₮ байна. Түүнчлэн нийслэлийн хөрөнгийн зардлын дээд хэмжээг 1,641,110,048.9₮ байхаар баталсан бол үүний 1,397,488,647.6₮ нь хөрөнгө оруулалтын төсөл арга хэмжээ байх юм. Баталсан төсөвт орж буй өөрчлөлтийн хувьд Нийслэлийн 2023 оны төсвийн орлогын давалт 276,623,000.0₮, мөнгөн хөрөнгийн үлдэгдэл 21,400,000.0₮, нийтийн тээврийг хөгжүүлэх сангийн дансны үлдэгдэл 4,218,855.0₮-ийг нийслэлийн 2024 оны төсвийн жилд нэмж зарцуулахаар болов.

Ийнхүү НИТХ дахь намын бүлгүүд болон хороодын саналыг тусган, Нийслэлийн 2024 оны төсөвт өөрчлөлт оруулах төслийг баталлаа.

Ч.Хүрэлбаатар: Женко, байнга өлөн нүдэлж явахаа болиоч. Улс орон, ард иргэдээ бодооч
Ч.Хүрэлбаатар: Женко, байнга өлөн нүдэлж явахаа болиоч. Улс орон, ард иргэдээ бодооч
 
Стифен Харпер: Монголын Ардчилсан намын хүчин чармайлтын үр дүнд хүний эрх, эрх чөлөөг хамгаалахад ихээхэн амжилт олсон
Стифен Харпер: Монголын Ардчилсан намын хүчин чармайлтын үр дүнд хүний эрх, эрх чөлөөг хамгаалахад ихээхэн амжилт олсон
Энэ мэдээ хуучирсан буюу 2024/02/28-нд нийтлэгдсэн мэдээ болно.