2023 оны гуравдугаар улирлын НӨАТ-ын буцаан олголтыг ирэх сарын 01-нээс өмнө иргэдийн данс руу шилжүүлэх ёстой. Тэгвэл энэ сарын 27-28-ны өдрүүдэд иргэдийн дансанд НӨАТ-ын буцаан олголтыг шилжүүлэх аж.

Татварын ерөнхий газар иргэдэд буцаан олголтоосоо зарим төрлийн татвар төлөх боломжийг бүрдүүлсэн. Татвар, торгуулиа шууд суутган төлөх хүсэлтэй иргэдийн мэдээллийг нэгтгэж байгаа аж. Үүний дараа иргэдэд буцаан олголтын хоёр хувийг шилжүүлэх юм. Мөн энэ оны гуравдугаар улирлын буцаан олголтын урамшууллаараа хөрөнгийн татвараа 34,104 иргэн 48,590 нэхэмжлэхээр 422 сая төгрөг төлсөн байна.