Засгийн газрын ээлжит хуралдаан боллоо. Хуралдаанаас гарсан шийдвэрийг танилцуулах үеэр Сангийн сайд Б.Жавхлан "Улсын хэмжээнд төсвийн хөрөнгө оруулалтаар санхүүжиж үргэлжилж байгаа 736 төсөл хөтөлбөр байна. Үүнээс онцгой анхаарал татсан буюу 8-аас дээш жил үргэлжилж байгаа, үнийн өсөлт төсөв дээр суугдсан, өнөөдрийг хүртэл дуусаагүй байгаа 25 төсөл арга хэмжээ байна. Эдгээр төсөл хөтөлбөрийг дахин нягталж үзэх, яаралтай дуусгах үүрэг бүхий Шадар сайд С.Амарсайханаар ахлуулсан Ажлын хэсэг байгуулагдлаа" гэлээ.