Үндэсний Статистикийн хороо, БНСУ-ын Статистикийн газар болон Азийн Хөгжлийн банктай хамтран "Төрийн нэгдсэн мэдээллийн сан" зөвлөлдөх уулзалтыг өнөөдөр /2023.07.03/ зохион байгууллаа. Тус зөвлөлдөх уулзалтаар "Төрийн нэгдсэн мэдээллийн сангийн хөгжүүлэлт, удирдлага" төслийн хүрээнд хэрэгжүүлж буй болон цаашид хэрэгжүүлэх ажлуудаа албаныхан танилцуулсан юм.

Энэ үеэр ҮСХ-ны дарга Б.Батдаваа "5.5 сая ам.долларын буцалтгүй тусламжаар Азийн Хөгжлийн банк болон БНСУ-ын Статистикийн газартай хамтран "Төрийн нэгдсэн мэдээллийн сан" буюу Их өгөгдөл төслийг Монголд хэрэгжүүлнэ. Ингэхдээ төрд байгаа мэдээллийн сангуудыг хооронд нь уялдаа холбоотой болгож, түүнийг төр нь ч, хувийн хэвшил, иргэд нь ч ашиглах боломжтой орчинг бий болгоно" хэмээв.