“Ташкент-2023” сонирхогчдын боксын ДАШТ-ий долоо дахь өдөр "Гуанжоу-2010" Азийн наадам болон 2013 оны Азийн АШТ-ий хүрэл медальт ОУХМ Жаргалын Отгонжаргал 75 кг-ын жинд Сенегалын Антоне Алфонсе Мендитэй Ташкентэд эхний тулаанаа хийж 5:0-ээр ялалт байгууллаа. Ингэснээр түүний хувьд тавдугаар сарын 09-нд шөвгийн наймд үлдэх эрхийн төлөө 2021 оны Белградын дэлхийн аварга Кубын Йонли Эрнандес Мартинезтэй тулалдах юм.