Хөвсгөл аймгийн Галт сумын Зүрх багийн “Дунд цагааны-Ам” гэдэг газар /аймгийн төвөөс урд зүгт 127 км-т, сумын төвөөс хойд зүгт 40 км-т/ Идэр голын усанд ачааны автомашин суусан тухай дуудлага тавдугаар сарын 01-ний өдрийн 06:01 цагт ОБГ хүлээн авсан байна.
Дуудлагын дагуу тус аймгийн Онцгой байдлын газрын Галт сум дахь Гал түймэр унтраах, аврах 76 дугаар ангийн алба хаагчид Хөвсгөл аймгийн Мөрөн сумаас Галт сумын чиглэлд 5 зорчигчтой (1 нь хүүхэд) зорчиж явсан иргэн Ц-ийн ЗИЛ-131 загварын ачааны автомашин усанд суусан байсныг татан гаргахаар ажиллаж байна.
