Энэ мэдээ хуучирсан буюу 2023/03/15-нд нийтлэгдсэн мэдээ болно.

Төрийн албаны ерөнхий шалгалт гурван өдөр үргэлжилнэ

Ангилал
Нийгэм
Огноо
Унших
1 минут 40 секунд

Төрийн албаны зөвлөлөөс тогтоосон товын дагуу Төрийн албаны ерөнхий шалгалт нийслэлд өнөөдөр эхэллээ. Энэхүү шалгалтыг гуравдугаар сарын 15-17-ныг дуустал буюу гурван өдрийн хугацаанд Яармаг дахь Нийслэлийн нутгийн захиргааны цогцолборт зохион байгуулна.

Энэ удаагийн шалгалтад нийслэлийн хэмжээнд нийт 2057 иргэн бүртгүүлсэн бөгөөд оролцогчдын ирц өндөр байгааг зохион байгуулагчид онцолж байна.

Төрийн албаны зөвлөлийн гишүүн, Төрийн албаны ерөнхий шалгалтыг зохион байгуулах төв комиссын дарга Д.Баатарсайхан:

-Төрийн албаны ерөнхий шалгалтын эхний ээлжийн шалгалтыг авч дууслаа. Энэ ээлжинд ирвэл зохих 140 иргэнээс 101 иргэн шалгалт өгч, 30 нь тэнцсэн байна. Шалгалт хууль, журмынхаа хүрээнд хэвийн болсон. Өдөрт таван ээлжээр, нэг ээлжиндээ 140 иргэн, нийтдээ 700 гаруй хүн шалгалт өгнө гэж тооцоолсон гэлээ.

Мөн Төрийн албаны тухай хуульд оруулсан өөрчлөлтийн дагуу Төрийн албаны ерөнхий шалгалтыг жилд дөрвөн удаа буюу улиралд нэг удаа авахаар болсныг тэрбээр онцолсон.

Улсын хэмжээнд 330 гаруй, нийслэлд 40 гаруй албан хаагч шалгалтын бэлтгэл, зохион байгуулалт дээр ажиллаж, цахилгаан, интернет, компьютер техникийн бэлэн байдлыг ханган, анги танхимын ариутгал, цэвэрлэгээг хийж байна.

Ташрамд, уг шалгалтын дараагийн бүртгэл дөрөвдүгээр сард эхлэх бөгөөд иргэд цахимаар бүртгүүлэх боломжтой.

Х.Нямбаатар: Монгол Улсын 1915 оны хүн амын тооллогын мэдээлэл Польш Улсад байдаг. Тэр мэдээлэл Монголчуудын ургийн овгийн эх сурвалж болох ёстой
Х.Нямбаатар: Монгол Улсын 1915 оны хүн амын тооллогын мэдээлэл Польш Улсад байдаг. Тэр мэдээлэл Монголчуудын ургийн овгийн эх сурвалж болох ёстой
 
Улсын аварга С.Мөнхбат магистрын зэрэг хамгаалжээ
Улсын аварга С.Мөнхбат магистрын зэрэг хамгаалжээ
АНХААРУУЛГА: Уншигчдын бичсэн сэтгэгдэлд UBN.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. !
UBN.mn сайтын редакц