FIFA-аас тодруулдаг “Оны шилдэг эрэгтэй тоглогч”-ийн шагналыг Аргентины шигшээ баг болон Парис Сен Жермейн клубийн довтлогч Лионел Месси хүртлээ. Түүний хувьд Аргентины шигшээ багаа ахлан Катар 2022 ДАШТ-д түрүүлсэн бөгөөд 2021-2022 оны улиралд 49 тоглолтод нийт 27 гоол оруулжээ.

Тэрбээр, хоёр дахь удаагаа энэхүү шагналыг хүртэж буй бөгөөд, “Багийн хамтрагчгүйгээр би энд зогсож чадахгүй. Тэднийхээ ачаар удаан мөрөөдсөн мөрөөдлөө биелүүлсэн. Цөөн хүний хүрч чадах оргилд зогсож байгаадаа баяртай байна” гэж хэлж байсан юм.

Харин “Оны шилдэг эмэгтэй тоглогч”-оор “Барселона” клубын тамирчин Алексиа Путеллас тодорчээ.

Э.Ариунтуяа