Самар түүж яваад сураггүй болсон 25 настай эрэгтэйг эсэн мэнд хүлээлгэн өгчээ. Тодруулбал, Архангай аймгийн Булган сумын Тамир багийн “Асгат” гэдэг газарт 4 хүн самар түүж явснаас иргэн У нэгдүгээр сарын 08-ны өдрийн 17:00 цагийн орчим сураггүй болсон тухай дуудлагыг нэгдүгээр сарын 9-ний өдрийн 01:15 цагт хүлээн авсан байна.
Дуудлагын дагуу тус аймгийн Онцгой байдлын газрын Эрэн хайх, аврах салбарын алба хаагчид, Булган сумын Засаг даргын Тамгын газрын ажилтнууд, ар гэрийнхэн иргэн У /25 настай, эрэгтэй/-ыг эрэн хайх ажиллагааг зохион байгуулж, 01.09-ний өдрийн 15:25 цагт Ихтамир сумын Хан-Өндөр багийн Их-Өлөнт гэдэг газарт төөрсөн явж байхад нь эсэн мэнд /сураггүй болсон газраас зүүн хойд зүгт 14 км-т, биеийн байдал хэвийн/ олж, Булган сум дахь Цагдаагийн хэсгийн мөрдөгчид хүлээлгэн өгсөн.
