Нүүрсний хэрэгтэй холбоотой мөрдөн шалгах ажиллагааны явцын талаар ХЗДХ-ийн сайд Х.Нямбаатар мэдээлэл өглөө. Тэрбээр,

"Бид "Эрдэнэс Тавантолгой" ХК-ийн бүх мэдээллүүдийг ил болгосон. Мөн өчигдөр жагсагчдын тавьж байгаа шаардлагын хүрээнд нүүрсний хулгайтай холбоотой шалгагдаж байгаа хүмүүсийн нэрийг зарлах ажлыг зохион байгуулъя гэсэн.

Дөнгөж сая орж ирэхийн өмнө мөрдөн шалгах баг ахалж байгаа хүмүүстэй холбогдлоо. Тун удахгүй өөрийнхөө хэвлэл мэдээллийн хэрэгслээрээ дамжуулан сэтгүүлчдэд зар өгч, өөрсдийн байранд мэдээлэл өгнө.

Бид өдөр шөнөгүй ажиллаж байгаа. Мөрдөн шалгах ажиллагаа явагдаж байгаа учраас хэн нэг хүнийг хэлмэгдүүлж болохгүй. Бас ял завшуулж болохгүй тул тодруулах ажил байна. Шалгаж байгаа хүмүүсээс тайлбар мэдүүлэг авах ажиллагаа үргэлжилж байгаа учраас хугацаа ороод байна. Өнөөдөртөө багтаж зар мэдээлэл өгье" гэв.