Өнгөрөгч долоо хоногт ХӨСҮТ-өөс мэдээлэл хийхдээ Монгол Улсад омикроны дэд хувилбар бүртгэгдсэн талаар хэлж байсан. Тодруулбал, BQ1.2 хувилбар таван хүнээс илэрсэн гэх мэдээллийг өгч байв. Дэлхий нийтэд эл хувилбарын тархалт 40-49 насныхан дунд өндөр байгаа аж. Ингэхдээ дамжин тархах хурд өндөр. Нууц үеийн хугацаа богино. Халуурах, ханиалгах, амьсгал давчдах, ядрах шинж тэмдгүүд илэрч байна. Дархлаанаас бултах чадвартай байж болзошгүй гэж судалж байгаа юм.