Ардчилсан намаас Ерөнхий сайд Л.Оюун-Эрдэнэд албан шаардлага хүргүүлж буй талаараа өнөөдөр /2022.10.17/ мэдээлэл хийлээ. Тэдний зүгээс хүргүүлж буй шаардлагын талаар УИХ-ын гишүүн Д.Ганбат "Өнгөрсөн долоо хоногт ҮБХ-ны намрын анхдугаар хурлаа хийж, ҮБХ-ны даргаар сонголоо. Энэ бол маш идэвхтэй өргөн оролцоотой хурал боллоо.АН-ын удирдлага, АН цэгцрэх, учраа олох, сөрөг хүчин байх бүх зүйлийг гартаа авсан. Гадуур, дотуур янз бүрийн зүйл яриад яваа нөхдүүд ҮБХ, АН дээрээ эвлэлдэн ирж нэгдэх ёстой. Удаа дараа АН-ын нэр дээр албан тушаал авсан нөхдүүд ч байдаг. Эдгээр нөхдүүд хүнд хэцүү цагт АН-аа тойрон нэгдэн нягтрах цаг үе эхэлж байна. Шаардлагаа Ерөнхий сайд Л.Оюун-Эрдэнэд гардуулж өгнө" гэв.