БШУЯ-ны харьяа Монгол-Оросын хамтарсан 3-р сургуулийн захирал Ж.Соронзон үйлчлэгч эмэгтэйгээ өрөөндөө зодсон тухай мэдээлэл цацагдаад байна. Үүнтэй холбогдуулан зодуулсан гэх эмэгтэйн охин мэдээлэл өглөө.

Тэрбээр "Манай ээжийг урьд өмнө зодож байсан асуудал гарч байгаагүй. Даралт нь жаахан ихэсдэг хүн. Банк орох гэж явж байгаад МУБИС-ийн автобусны буудлын хавьд ухаан алдсан юм билээ. Би сайн мэдэхгүй байна. Одоогоор тархиндаа цус харвалттай байгаа. Ээж маань 20 гаруй жилд энэ сургуульд ажилласан. Бие өвдлөө гэж ярьдаг хүн биш. Тухайн үед даралт нь ихэссэнээс ийм зүйл болсон байх" гэв.