Нидерланд Улсад омикрон хувилбарын улмаас хөл хорио тогтоож буйгаа зарласан байна. Мөн Их Британийн эрүүл мэндийн сайд Европт зул сарын баярын үеэр коронавирус халдварын тархалт нэмэгдэх хандлагатай байгаа тул хязгаарлалт хийхийг үгүйсгэхгүй талаар мэдэгджээ.
Нидерланд Улсад нэгдүгээр сарын дунд үе хүртэл нэг айлд хамгийн ихдээ хоёр зочин урих хязгаар тогтооно гэж Ерөнхий сайд Марк Рютте мэдэгдэв.
Тэрбээр "Омикрон хувилбарын тав дахь давалгаанаас сэргийлэхийн тулд хөл хорио тогтоохоос өөр аргагүй. Одоо арга хэмжээ авахгүй бол эмнэлгүүдэд зохицуулах боломжгүй нөхцөл үүсэж болзошгүй" гэж хэлжээ.
Эх сурвалж: CNN
