COVID-19 халдварын цаг үеийн асуудлаар Эрүүл мэндийн яамнаас ээлжит мэдээллээ хийж байна.
ЭМЯ-ны Эмнэлгийн тусламжийн газрын дарга Я.Буянжаргал : “Улсын хэмжээнд нэгдүгээр сараас хойш 3883 иргэн тусгаарлагдсан. Үүнээс өнөөдрийн байдлаар 2434 иргэн тусгаарлалт, ажиглалтанд байна. Харин нийт 320 эмч, тогооч, үйлчлэгч, мэргэжилтнүүд тусгаарлагдсан иргэдэд үзлэг хийн ажиллаж байна. Орон нутгийн галт тэргэнд 11-19 эмч мэргэжилтнүүд үзлэг хийн ажиллаж байна. Тусгаарлагдсан иргэдийн дундах жирэмсэн, сэтгэл зүй нь тогтворгүй хүмүүст холбогдох байгууллагын мэргэжилтнүүд зөвлөмж, зөвлөгөөг өгч байна.
Нийгмийн сүлжээгээр өвчнөөр дамжуулан олон нийтэд танигдах гэсэн янз бүрийн судлаачид, сонирхогчид худал үнэн нь мэдэгдэхгүй мэдээллийг тарааж бидэнд дарамт үзүүлж байна. Тухайлбал, би судалсан, мэдсэн цахимаар эмчилнэ гэх мэт. Ийм зүйлд ард иргэд битгий автаарай. Бид Анаагахын ухааны мэргэжилтэн эмч, судлаачид түүнчлэн ДЭМБ-ын судалгаа зөвлөмжийн дагуу өвчтөнүүдээ эмчилж байна.
