Кристиано Роналдо, Жоржина Родригес нар ихэр хүүхэдтэй болох гэж буйгаа зарлалаа. Испанийн "Hola" сэтгүүлийн мэдээлснээр, 27 настай загвар өмсөгч Жоржина нь гурван сартай жирэмсэн байна аж.

Роналдо Родригес нар дээрх зургийг өөрсдийн цахим хаягтаа оруулан "Бид ихэр хүүхэдтэй болох гэж байгааг дуулгахад таатай байна. Бидний зүрх хайраар бялхаж байна" хэмээн бичжээ.

Роналдо 2017 онд долоон хүүхэдтэй болохыг хүсэж байгаагаа хүлээн зөвшөөрсөн бол Родригес өнгөрсөн жил “Миний ээж болох хүсэл юунаас ч илүү хүчтэй" хэмээн мэдэгдэж байсан юм.