Эрүүл мэндийн яамнаас коронавируст халдварын талаар ээлжит мэдээллээ хийлээ. Эрүүл мэндийн яамны газрын дарга Д.Баярболд томуугийн өвчлөлийн талаар мэдээлэл өгсөн юм.

Тэрбээр "Улсын хэмжээнд амбулаториор үйлчлүүлэгсдийн дунд томуу, томуу төст өвчин 10 мянган хүн амд 25.9 байна. 16 хүртэлх насны 1299 хүүхэд эмнэлэгт хэвтэн эмчлүүлсний 25.1 хувь нь АЗЦХХ-ын шалтгаантай байгаа нь улирлын болон томуугийн цар тахлын эрсдлийн үнэлгээгээр идэвхжлийн төвшинд байна.

Томуу, томуу төст өвчнөөр өвчлөгсдийн дотор 51.5 хувийг 15 хүртэлх, үүний 31.9 хувь нь 4 хүртэлх насныханд бүртгэгдэж, өмнөх долоо хоногтой харьцуулахад өвчлөл 4 хүртэлх насанд 2.7 хувиар нэмэгджээ.

Коронавируст халдвар болон томуугийн урьдчилан сэргийлэх арга хэмжээ адилхан" гэлээ.