Түлхүүр мэдээлэл: 

• Саудын Арабын Авлигатай тэмцэх байгууллагаас  298 төрийн албан хаагчийг баривчилжээ.
• Хээл хахууль, хөрөнгө шамшигдуулсан, албан тушаалаа ашигласан гэсэн үндслэлээр
• Тэднийг шалган хариуцлага хүлээлгэх юм.

Саудын Арабын Авлигатай тэмцэх байгууллагаас арми болон аюулгүй байдлын албаны ажилтнууд зэрэг 298 төрийн албан хаагчийг хээл хахууль, хөрөнгө шамшигдуулсан болон албан тушаалаа ашигласан гэмт хэрэгт буруутган баривчилжээ.  

Ням гарагт Саудын Арабын Үндэсний Авлигатай тэмцэх хороо /Назаха/-ноос гаргасан мэдэгдэлд тус хорооны мөрдөгчид цагдан хоригдож буй тэдгээр албан хаагчдыг шалган, хариуцлага хүлээлгэх болно гэжээ.

Баривчлагдаад байгаа тэдгээр 298 албан хаагчдыг хээл хахууль, хөрөнгө шамшигдуулах, эрх мэдлээ урвуулан ашиглах зэрэг нийтдээ 398 сая риал /101 сая ам доллар/-ийн гэмт хэрэгт яллах болно гэдгийг Назахагаас олон нийтийн твиттер сүлжээнд Ням гарагт мэдэгдсэн юм.

Хэрэгт татагдсан хүмүүсийн 8 нь 2005-2015 онуудын хооронд засгийн газрын гэрээтэй холбоотой хээл хахууль, мөнгө угаах гэмт хэрэгт сэжиглэгдээд байгаа батлан хамгаалах яамны албан хаагчид бол 29 нь зүүн нутгийн дотоод хэргийн яамны ажилчид, түүний дотор 3 хурандаа, хошууч генерал, бригадын генерал зэрэг албан хаагчид багтжээ.

Рияад хотын Алмарифа их сургуулийн авлигын хэрэгт буруутгагдсан 9 албан тушаалтны хамт авлига авсан хэргээр 2 шүүгч баривчлагдсан талаар Назахагаас мөн мэдээллэсэн. 

Тус газраас тухайн хэргийн талаар бусад мэдээлэл болон албан тушаалтны нэрийг нь мэдээлээгүй юм.

Эх сурвалж: https://www.aljazeera.com/