Чингэлтэй дүүргийн таван буудлын орчмоос энэ сарын 8-ны өглөөний 07.00 цагийн орчимд “Архи согтууруулах ундааны зүйл хэрэглэсэн хүн байна” гэх дуудлагын дагуу цагдаагийн алба хаагчид очиж, эрүүлжүүлэх байранд хүргэжээ. Гэтэл нэр, хаяг нь тодорхойгүй 50 орчим насны эрэгтэй тухайн иргэн эрүүлжүүлэх байранд хүргэгдэж очмогцоо нас барсан байна.

Задлан шинжилгээний дүгнэлтээр талийгаач нь гаднын нөлөөтэйгөөр нас барсан тогтоогдсон бөгөөд тархиндаа гэмтэл авсан байжээ. Тодруулбал, дээрх хэрэгт 52 настай эрэгтэй З гэгчийг холбогдуулан шалгаж байгаа аж. Тэрбээр талийгаачтай маргалдсаны улмаас цохиж унагасан нь ийнхүү үхэлд хүргэсэн байх магадлалтай гэж үзэж байна.