Түлхүүр мэдээлэл: 

•  Коронавирусийн халдвар дэгдэхээс сэргийлэх үүднээс хоригдлуудаа суллаж эхэлжээ
• Хэд хоногийн өмнө Лос Анжелес, Кливланд хотуудад хэдэн зуун хоригдол ийм шалтгаанаар суллагджээ.

АНУ-ын шоронгууд коронавирусийн халдвар дэгдэхээс сэргийлэх үүднээс хоригдлуудаа суллаж эхэлжээ.

Нью Йорк хотын шоронгууд халдварын эмзэг бүлэгт багтах хоригдлуудаа суллахаар болсныг хотын захирагч нь өчигдөр мэдэгдсэн байна.

Хэд хоногийн өмнө Лос Анжелес, Кливланд хотуудад хэдэн зуун хоригдол ийм шалтгаанаар суллагдсан юм.

Анагаах ухааны мэргэжилтнүүд шоронгийн хоригдлууд нь шинэ коронавирусийн халдвар авах, дамжуулах өндөр эрсдэлтэйг анхааруулж байгаа.

Дэлхий даяар энэ тоо 220,000 ба 8,800 гаруйд хүрээд байгаа юм. Нью Йорк хотын хувьд хөнгөн гэмт хэрэг үйлдсэн болон суурь өвчтэй хоригдлуудыг суллах болсон байна.

Захирагчийн шийдвэр гарахаас хэдхэн цагийн өмнө тус хотын Райкерс Айлэнд шоронгийн харгалзагч болон хоригдлоос коронавирусийн халдвар илэрсэн тухай мэдээ таржээ.  Өнгөрсөн долоо хоногт Лос Анжелес хотын шоронгуудаас нийт 600 хоригдлыг сулласан байна.

Коронавирусийн тахал ганцхан АНУ-ын эрх баригчдыг ийм алхам хийлгээгүй юм. Иран улс өнөөдрийн байдлаар 85,000 хоригдлыг суллаад байгаагийн дотор улс төрийн хэрэгтнүүд багтаж байна.

АНУ нь дэлхийд нэг хүн оногдох хоригдлын тоогоор тэргүүлдэг бөгөөд нийтдээ 2.3 сая хүн холбооны болон орон нутгийн шоронгуудад хоригддог.

                                                                                                                                                                                                                                           Эх сурвалж: CNN