Нийслэлийн хэмжээнд томуугийн дархлаажуулалтад хамруулах ажил өнөөдрөөс эхэлж байна. Энэ жилийн хувьд томуу, томуу төст өвчин болон коронавируст халдварын дэгдэлт зэрэгцэж явах эрсдэлтэй байгаа тул хүн амын дундах эрсдэлт бүлгийн иргэдийг хамруулахаар болсон билээ. Тэгвэл томуугийн вакцинд хамрагдах иргэд дараах зүйлийг анхаарах шаардлагатай талаар албаныхан мэдээллээ.
-Вакцин хийлгэхийн өмнө заавал эмчийн үзлэгт хамрагдана
-Бусад вакцинтай бол 21 хоногийн завсартайгаар томуугийн вакциныг хийлгэх ёстой
-Жирэмсний 14-36 долоо хоногтойд томуугийн вакцин хийлгэж болно
-Сургууль, цэцэрлэгийн хүүхдүүдийг эцэг, эх, асран хамгаалагчийн зөвшөөрлийн хуудас, гарын үсэгт үндэслэн хамруулна
-Хүүхэд нэг сарын хугацаанд сайн дурын болон товлолын бусад төрлийн вакцинд хамрагдаагүй байх шаардлагатай
