Үндэсний цэцэрлэгт хүрээлэнд дасгал хийж байсан залуус руу чимээ шуугиан гаргалаа хэмээн хүрз барин дайрч буй иргэний бичлэг олон нийтийн сүлжээнд цацагдсан. Тухайн бичлэгт гарсан иргэнийг цагдаагийн байгууллагаас олж тогтоожээ. Ингэхдээ уг иргэнд Зөрчлийн хуулиар хэрэг үүсгэн, шалгаж эхэлсэн байна. Тодруулбал, Зөрчлийн тухай хуулийн 5.2-д заасны дагуу “Олон нийтийн газар танхайрсан” гэх зүйл заалтаар шалгаж байгаа аж. Хэрвээ гэм буруутай нь тогтоогдсон тохиолдолд 100 мянган төгрөгөөр торгуулах, эсвэл долоогоос гуч хоногийн хугацаатай баривчлах заалттай юм.