Биеийн тамир Спортын газрын дарга Ц.Шаравжамц Токио-2020 олимпын наадамд амжилттай оролцсон тамирчдад олгох урамшууллын талаар мэдээлэл хийлээ. Тэрбээр мэдээллийн үеэр энэ удаагийн наадмаас зургаан медалийн горьдлоготой байсан талаар дурдлаа.

Тодруулбал, мөнгөн медаль хүртсэн Саид Моллай, хүрэл медаль хүртсэн М.Уранцэцэг, Ц.Цогтбаатар, Б.Болортуяа нараас гадна боксын төрөлд оролцсон Э.Цэндбаатар, хүндийг өргөлтийн тэмцээнд оролцсон М.Анхцэцэг нарыг медаль хүртэнэ гэсэн найдлага тавьсан байжээ.

Ташрамд дурдахад энэ удаагийн паралимпд манай улсаас 11 тамирчин оролцож байгаа бөгөөд тэднээс дөрвөн медалийн хүлээлттэй байгаа аж.