"Токио-2020" олимпын наадамд Монгол улсын 43 тамирчин, 10 төрлөөр оролцож буй. Монгол Улсыг төлөөлж, ээлжит зуны олимпын наадамд оролцох сагсан бөмбөгийн 3х3 төрлийн гавьяат дасгалжуулагч С.Тулгаар ахлуулсан эмэгтэй шигшээ баг амжилттай оролцоод ирсэн юм. Эмэгтэйчүүдийн сагсан бөмбөгийн шигшээ багийн тамирчин Э.Чимиддолгор сэтгэгдлээ хуваалцлаа. Тэрбээр "Багийн спортын төрлөөр Монгол Улсаа төлөөлж оролцсондоо баяртай байна. Нэр хүндийн хэрэг байлаа. Эхний тоглолт дээр хуруугаа цуулж, үенүүд хоорондын гэмтэл авсан. Тэрнээс хойш хуруугаа боож тэмцээнүүдэд оролцсон. 2024 оны олимпт гурван жилийн хугацаа үлдсэн байна. Эхнийхээ олимпт оролцоод бидэнд маш их боломж байгаа гэдгийг харсан. Тиймээс гурван жилийн хугацаанд дахин олимпт оролцохыг хичээх болно" гэсэн юм.