"Токио 2020" зуны олимпт оролцсон тамирчид эх орондоо газардлаа. Монгол улс түүхэндээ анх удаа багийн спортын төрлөөр олимпт оролцохоор Токио-2020 наадмыг зорьж байсан цаг саяхан. Баг тамирчид эх орондоо ирсэн энэ мөчид өөрсдийн сэтгэгдлийг хуваалцсан юм. Энэ үеэр Монголын сагсан бөмбөгийн шигшээ багийн ахлах дасгалжуулагч С.Тулга "Дэлхийн 206 улсаас 8 баг оролцсоны нэг нь Монгол Улсын баг байлаа. Олимпын эхний өдрөөс сенсаци тарья гэж бодсон боловч Итали улсын багт хожигдсон. Гэхдээ Монгол хүн сагсан бөмбөгийн спортоор олимп, тив дэлхийн тэмцээнд оролцож болдгийг баталж чадлаа. Бид цаашид ч хичээн амжилтаа ахиулах болно. Тоглолтын дараа Монгол охидууд сагс тоглож байгааг дэлхий гайхаж байлаа. Алдаа, оноотой ч гэсэн бид бүгд амжилттай оролцоод ирлээ. Нүүр бардам дэлхийд багийн спортоор олимпт оролцлоо" гэсэн юм.