"Токио 2020" зуны олимпийн нээлт болж байна. Дөнгөж сая Монголын баг тамирчид олимпын тэнгэрт тугаа мандуулсаар гарч ирсэн юм. Манай 43 тамирчин 10 өөр төрлийн спортоор оролцож байгаа юм.

Өнөөдрийн нээлтэд Монгол Улсын Ерөнхий сайд Л.Оюун-Эрдэнэ оролцлоо. Тэрбээр Япон улсад албан ёсны айлчлал хийж байгаа бөгөөд энэ үеэрээ олимпын нээлтэд оролцсон нь энэ юм.

Сануулахад, айлчлалын хүрээнд тэрбээр өчигдөр Японы Ерөнхий сайд Ё.Сүгатай Төрийн хүндэтгэлийн ордонд албан ёсны уулзалт хийсэн билээ.